NA HIVI NDIVYO MH BENJAMIN WILLIAM MKAPA ALIVYOWEKA JIWE LA MSINGI KATIKA JENGO LA CHUO KIKUU CUHAS BUGANDO
Jul 12, 2013
Mida ya sa nne asubuhi hivi ndo MH mkapa aliwasiri katika viwanja vya bugando na moja kwa moja katika jengo linalojengwa mengi yamezungumziwa ikiwa na kuweka jiwe lamsingi katia jengo hilo
Shemeji yake Kim Kardashian ambaye ni star wa NBA amfanyia kali paparazi
Jul 11, 2013
Kama umewahi kuangalia show ya Keeping up with Kardashian basi utakuwa umewahi kuomuona Lamar Odom mume wa Khloe Kardashian ambaye ni mdogo wake Kim Kardashian. Hivi karibuni jamaa huyu ambaye pia ni mkali wa NBA, amepata kashfa za kuwa na mahusiano nje ya ndoa na kuandamwa na mitandao kadhaa ya udaku. Lamar akiwa mtaani na mizunguko yake akafatwa na paparazi akiwa na camera zake na kuanza kumuuliza maswali ya kuhusu yeye ku-cheat kwenye ndoa yake. Kilichotokea hapo ni balaa kubwa ambalo Lamar alimfanyia paparazi huyo. Cheki hizi picha pamoja na video jinsi mambo yalivyokuwa.
KABLA YA BEYONCE KUA NA JAY Z HAWA NDO WANAUME AMBAO WAMEWAHI KUJARIBU KUWA NA MAHUSIANO NA BEYONCE
Jul 11, 2013
Beyonce mwanamke mrembo,wenye kipaji kikubwa na pia anaingiza pesa nyingi sana kwa kazi yake ya uimbaji na nyingine, bila shaka wanaume wengi wanamtamani wangekuwa na uhusiano naye au kumuoa kabisa kama Jay Z alivyofanya. Kwenye interview nyingi anazofanya Beyonce likija swali la kuzungumzia maisha yake ya kimapenzi huwa anasisitiza mwanaume wake wa kwanza kabisa aliyemtoa usichana wake ni Jay Z kitu ambacho watu wengi na waandishi hawakubaliani nacho. Hiyo yote ni kutokana na Beyonce kuwa na historia ya kuwa na uhusiano na wanaume wengine hapo zamani.Hii hapa list ya watu nane waliojaribu na waliowahi kuwa na mahusiano ya wazi au ya siri na Beyonce kabla ya kuwa na Jay Z.
Lyndell Locke, huyu jamaa ndiyo alikuwa mpenzi wa kwanza wa Beyonce. Unaambiwa jamaa alikuwa akimsindikiza Beyonce kwenye mazoezi ya kuimba na kucheza akiwa ndiyo yupo kwenye harakati za kuwa star. Beyonce anasisitiza kwamba pia hajawahi kuwa na uhusiano wa chumbani na huyu jamaa.
Cam’Ron, msanii maarufu aliyewahi kutamba na ngoma Oh Boy, alisema kwamba kwasababu walifanya ngoma pamoja na Beyonce na katika mambo yao mengine huko nyuma ya pazia. Beyonce alimpa nafasi ya ku-share chumba kimoja na yeye lakini watu wengi hawaya amini maneno ya Cam’Ron.
Justin Timberlake, moja ya marafiki wakubwa wa mume wa Beyonce. Kulikuwa na uvumi kwamba wawili hawa Justin na Beyonce wali-spend usiku mmoja kwenye club na baadaye kufanya vitu vingi. Japokuwa hii habari haikuwa na uthibitisho wowote lakini ilivuma kwa wakati wake.
 |
Michael Jackson, baada ya Michael Jackson kufariki P.Diddy alitoa story kwamba kuna siku MJ alitaka kwenda kwenye party pamoja na Diddy akiwa na lengo kubwa la kutaka kukutana na Beyonce na kumelezea hisia zake. Duh! Kumbe Michael Jackson sio mkali wa kuchagua style za kucheza na melody tu, hadi wanawake wazuri anajua kuchagua.  Mos Def alijaribu kumpata Beyonce akitumia mwanya wa wakati wanafanya kazi ya pamoja na Beyonce kwa ajili ya MTV, lakini juhudi zake ziligonga mwamba. |
Marquise Huston, huyu jamaa aliwahi kuja Tanzania kipindi flani akiwa na mdogo wake Omarion. Jamaa aliwahi kushikilia bango kwamba aliwahi kuwa na uhusiano na Beyonce akiwa na miaka 17. Baada ya muda kidogo Marquise alipiga kimya mwenyewe.
Wyclef Jean, jamaa huyu ambaye pia ni producer aliwasaidia sana wakina Beyonce enzi za Destiny Child kwenye ngoma yao ya kwanza. Katika hizo harakati unaambiwa mtu mzima hakuweka juhudi kwenye kuandaa ngoma peke yake bali pia juhudi ziliwekwa kwenye mtego wa kumnasa Beyonce.
TAYARI MH:BENJAMIN WILLIAM MKAPA KAWASILI MWANZA KWA AJILI YA FUNDRISING YA UJENZI WA JENGO LA CHUO KIKUU CUHAS BUGANDO
Jul 11, 2013
Leo hii tarehe 12/07/2013 kuanzia saa 4 asubuhi katika chuo kikuu cha CUHAS BUGANDO kutakua na event ya kufanya fund rising kwa ajili ya ujenzi wa jengo la kisasa litakalo gharim shiling bilion 1.3 aidha mida ya jion event itamalizikia Gold crest katika ukumbi wa mwalim nyerere.
SISI kama BUGANDO BLOG tutakua katika viwanja vyote vya bugando na mwisho jioni tutakua katika ukumbi wa GOLD CREST kuhakikisha tunakupa kila kitu wewe mwana cuhas
ahs
MAKAMANDA WA CHADEMA WANAOKABILIWA NA KESI YA UGAIDI WAREJESHWA RUMANDE-TABORA
Jul 9, 2013
Makamanda watano wa Chadema wakiingizwa ukumbi wa mahakama ya hakimu mkazi mkoani Tabora kufuatia kesi ya Ugaidi inayowakabili akiwemo kaimu Katibu wa Chama hicho mkoa wa Dar-es-Salaam Bw.Henry Kileo aliyeshika Kitabu mkononi.
Wanachama watano wa chama cha Demokrasia na Maendeleo- CHADEMA wanaokabiliwa na mashitaka ya Ugaidi wamerejeshwa tena rumande pasipo maombi yao kusikilizwa hadi tarehe 22/07/2013 kesi hiyo itakapotajwa tena.
Akitoa uamuzi huo hakimu mkazi mfawidhi wa mahakama ya mkoa wa Tabora Issa Magoli amesema kuwa kwa vile mahakama yake haina uwezo kisheria kusikiliza shauri hilo kesi hiyo inahairishwa hadi hapo upande wa utetezi wakiendelea na taratibu za kupeleka hoja zao Mahakama kuu.
Hakimu Magoli kabla ya kuahirisha shauri hilo aliwashauri mawakili wa upande wa utetezi wawasilishe hoja zao mahakama kuu ya Tanzania ndipo watakapoweza kupatiwa ufumbuzi wa kisheria.
Akizungumza nje ya Mahakama,Wakili wa washtakiwa hao,Peter Kibatala,alisema wanafanya utaratibu wa kupeleka shauri lao Mahakama Kuu baada ya kupewa nakala ya uamuzi uliotolewa na mahakama ya hakimu Mkazi Tabora.
Alisema katika maombi yao Mahakama kuu wataomba ipitie shauri hilo na pia kuona kama ni halali kisheria kwa washtakiwa hao kufunguliwa kesi hiyo baada ya awali washtakiwa wanne ukimuondoa Kilewo mashtaka yao kuondolewa na kasha kushtakiwa tena na Kilewo.
Wakili Kibatala mbali ya kusema ana imani na Mahakama lakini alieleza wana Imani zaidi na mahakama Kuu kwa vile alidai ipo huru
Alisisitiza kama mawakili wa washtakiwa wanapambana kuhakikisha haki inatendeka na kuwaomba wana ndugu na jamaa kuwa watulivu na wawategemee.
“Nawaomba ndugu na jamaa wa washtakiwa kuwa watulivu wakituacha mawakili wao tukipambana katika suala hili na tunawatia moyo msikate tama kwani kesi ni suala la mchakato na linaweza kuchukua muda mrefu”Alisema
Kwa upande wake Mke wa mshtakiwa Henry Kilewo,Joyce Kiria,alisema yeye alipoamua kuolewa na Kilewo alijua ni mwanaharakati lakini kwa vile anampenda alikubali kuolewa naye.
Alisema yupo naye katika kipindi hiki na bado anampenda na kuwatia moyo wanawake kuwa bega na waume zao pale wanapokuwa na matatizo.
“Nataka niwaambie kuwa hii sasa ndio wanawake live ni lazima wanawake tuwe wavumilivu katika kupambana na tusibaki kulia lia”Alisema.
Shauri hilo lilivutia umati wa wapenzi wa CHADEMA waliojitokeza kwa wingi huku ulinzi ukiwa mkali ambapo Askari wa kikosi cha kutuliza Ghasia walitanda wakiwa na silaha.
Watuhumiwa hao watano akiwemo kaimu katibu wa Chadema Bw.Henry Kilewo,Evodius Justian,Oscar Kaijage,Seif Kabuta na Rajabu Kihawa wamerejeshwa rumande hadi hapo tarehe 22 Julai mwaka huu kesi hiyo itakapotajwa tena.|Na KapipiJHabari
PROF MTABAJI,PROF KATARAIYA NA MUSSA MDEDE WAKIWA STAR TV
Jul 9, 2013
Katika kuendelea na mchakato mzima wa kusimamisha mjengo ambao utakua ni maktaba ya kisasa kabisa leo hii tarehe 9/7/2013 chuo kikuu bugando tumepata nafasi ya kufanya interview na STAR TV mada ilikua ni kuhamasiha event ya FUND RISING ambayo itafanyika tarehe 12/07/2013 siku ya ijumaa ambapo mgeni rasmi atakua RAIS MSTAAFU BENJAMIN WILIAM MKAPA.Mengi yaliongelewa na soon tutaweka interview nzima ilivyokua
prof mtabaji
interview nzima itakuijia hivi punde stay tunned
WEMA SEPETU ASHITAKIWA NA MAJIRANI.
Jun 28, 2013
Habari ni kuwa juzi kati Wema Sepetu alishitakiwa na majirani zake kwa tabia ya wafanyakazi wake kutiririsha maji machafu mtaani. globalpublishers imeripoti kuwa majirani wa actress huyo anayekaa Kijitonyama Dar es salaam wamekuwa wakimlalamikia muigizaji huyo kwa kitendo hicho na uvumilivu ulipowashinda ndiyo wakaamua kumchoma kwa serikali ya mtaa. "mara kwa mara wafanyakazi wake wamekuwa wakitiririsha maji hapa mtaani sasa leo tumeona tukamshitaki serikali za mitaa ili sheria ichukue mkondo wake" alisema mmoja wa majirani wa Wema aliyeomba jina lake lihifadhiwe.
Afisa mtendaji wa kata ya Makumbusho pia alifika nyumbani kwa muigizaji huyo kuhusiana na tatizo hilo, msichana mmoja wa kazi aitwae Bite alitoka na kujitetea lakini walionekana wana makosa hivyo kutakiwa kwenda ofisi za kata kwa maelezo zaidi. Hata hivyo amri hiyo ilionekana kuwaweka katika wakati mgumu hivyo busara zilitumiwa na kiongozi huyo na kuwataka watoe faini na mfanyakazi huyo kuingia ndani na baadaye kutoka na kiasi cha pesa ikisadikika Wema ndiye aliyetoa pesa hizo ingawa haikujulikana mara moja ni kiasi gani na walisainishana. Pia kiongozi huyo aliwaonya waache tabia hiyo ya kutiririsha maji machafu mtaani. Hata hivyo Wema alipotafutwa kwa simu alikuwa hapokei na mwandishi alipofika nyumbani kwake aliambiwa hayupo.
Afisa mtendaji wa kata ya Makumbusho pia alifika nyumbani kwa muigizaji huyo kuhusiana na tatizo hilo, msichana mmoja wa kazi aitwae Bite alitoka na kujitetea lakini walionekana wana makosa hivyo kutakiwa kwenda ofisi za kata kwa maelezo zaidi. Hata hivyo amri hiyo ilionekana kuwaweka katika wakati mgumu hivyo busara zilitumiwa na kiongozi huyo na kuwataka watoe faini na mfanyakazi huyo kuingia ndani na baadaye kutoka na kiasi cha pesa ikisadikika Wema ndiye aliyetoa pesa hizo ingawa haikujulikana mara moja ni kiasi gani na walisainishana. Pia kiongozi huyo aliwaonya waache tabia hiyo ya kutiririsha maji machafu mtaani. Hata hivyo Wema alipotafutwa kwa simu alikuwa hapokei na mwandishi alipofika nyumbani kwake aliambiwa hayupo.
Usafi wa Jiji hadi aje Rais Obama?
Jun 28, 2013
Sasa sehemu nyingi za barabara zinatengenezwa usiku na mchana kwa kujengwa upya au kuzibwa mashimo, ambayo baadhi yake yalikuwa makubwa mithili ya mahandaki. Katika baadhi ya barabara, mchanga na udongo uliokuwa umezimeza kutokana na kutotunzwa kwa muda mrefu sasa vimeondolewa.
Taka zilizokuwa zimezagaa kila kona sasa zinazolewa kwa kutumia magari ya Jiji na ya wamiliki binafsi. Katika sehemu muhimu za Jiji, madawa ya kuua mbu na wadudu yamenyunyizwa, huku baadhi ya wamiliki wa majengo katika sehemu atakazopita Rais Obama wakilazimika kupaka rangi majengo hayo. Harufu mbaya iliyokuwa imeligubika Jiji kutokana na uchafu sasa imepungua kwa kiasi kikubwa.
Ghafla vijana kutoka vijiweni wamepewa ajira ya muda kufyeka nyasi, kuzibua na kusafisha barabara na mitaro iliyojaa majitaka. Kumbe wanakaa vijiweni sio kwa kutaka, bali kwa kukosa ajira. Polisi nao wameendesha kamatakamata ya vijana wengi inaodai ni vibaka, wavuta bangi na vitendo vingine vya kihalifu, huku lengo kubwa likiwa ni kusafisha mitaa kabla ya ujio wa Rais Obama. Wakati huohuo, Machinga wameondolewa katika sehemu atakazopita mgeni huyo na ujumbe wake na vibanda vyao vimefyekwa na tingatinga za Jiji, huku wananchi waishio mikoani wakitahadharishwa kutokuja Dar es Salaam wakati Rais Obama atakapokuwa jijini.
Jiji la Dar es Salaam zinazoendelea hivi sasa jijini kuelekea ujio wa ugeni wa Rais huyo wa Marekani. Tumefanya hivyo kwa sababu mbili kubwa. Kwanza ni kuonyesha kwamba Jiji la Dar es Salaam na Serikali Kuu vinao uwezo mkubwa wa kulifanya jiji hilo kuwa safi wakati wote. Pili ni kuonyesha jinsi tunavyojidhalilisha kama taifa kwa kuishi katika mazingira machafu, lakini tunachukua hatua za zimamoto na kukimbizana kufanya usafi tunapoona wageni wanatembelea nchi yetu.
Ni aibu iliyoje kwa Watanzania kuishi katika mazingira machafu tukisubiri wageni waje ndio tufanye usafi. Ni dharau na matusi ya viongozi wetu kwa wananchi, kwamba watu muhimu na ambao wanastahili kuwekwa katika mazingira mazuri ni wageni. Wananchi wanasakamwa walipe kodi na wanafanya hivyo. Pamoja na kulipa kodi hizo, mamlaka husika hazioni umuhimu wa kuwatengenezea wananchi mazingira mazuri kwa kuzoa taka, kutengeneza barabara, kufyeka nyasi, kunyunyizia dawa katika mazalio ya mbu na kadhalika.
Usafi wa mazingira na wa kila mwananchi ni muhimu mno katika ustawi na maendeleo ya binadamu. Wakati kila mwananchi analo jukumu la kutunza usafi kwa nafsi yake na mazingira yaliyomzunguka, mamlaka husika zinapaswa kuwawezesha wananchi kufanya hivyo. Inawezekanaje halmashauri za miji na wilaya, kwa mfano, zishindwe kuweka magari ya kuzoa taka kutoka barabarani na mitaani? Zipo wapi dampo za kumwaga maelfu ya tani za taka zinazozalishwa katika makazi ya watu mijini kila siku?
Ndege 8 kubwa za Obama Zatua Dar
Jun 28, 2013
Mmoja ya Madege ya Marekani yaliotua Tanzania.Dar es Salaam, Tanzania.Makachero wa Marekani wameendelea na matayarisho ya mwisho ya ziara ya Rais Barack Obama, na katika Uwanja wa Ndege wa Kimataifa wa Julius Nyerere walikuwa na kazi ya kuunganisha helikopta za doria.
Makachero hao walikuwa wakiunganisha helikopta sita zilizosafirishwa vipande vipande kutoka Marekani, ambapo meli mbili za kivita na ndege moja pia zimewasili.
Rais Obama tayari yuko katika ardhi ya Afrika, na leo anatarajiwa kwenda Afrika Kusini baada ya kumaliza ziara yake ya kwanza Senegal na anatarajiwa kuwasili nchini Jumatatu.
Kwa mujibu wa uchunguzi uliofanywa jana unaonyesha Marekani imeleta helikopta hizo kwa ajili ya ulinzi wa Rais Obama, zikiwamo meli zilizobeba helikopta nyingine mbili na ndege.
Habari zilizopatikana kutoka kwa wafanyakazi wa Uwanja wa Ndege wa Kimataifa wa Julius Nyerere, zinasema kuwa helikopta sita zinaunganishwa katika sehemu ya karakana ya Kikosi cha Anga cha Jeshi la Wananchi wa Tanzania (JWTZ).
Mtu mmoja amesema helikopta hizo zililetwa kama vipande vipande vilivyosafirishwa kama mzigo kwenye meli za kivita zilizotia nanga jijini Dar es Salaam.
“Nilikaribia kwenye eneo la karakana na nikashangaa kuona jinsi jamaa walivyokuwa ‘bize’ wakiunganisha vyuma mbalimbali na kutengeneza helikopta hizo,” amesema mtu huyo.
Inaaminika kuwa helikopta hizo zitakuwa zinasaidia kusafirisha watu na mizigo kutoka kwenye meli za kivita ambazo zimeegeshwa kwenye Kikosi cha Maji cha JWTZ.
Pia helikopta mbili zinaaminika ziko katika meli ambazo zimeegeshwa huko Kigamboni.
Meli za kivita na ndege ya kijeshi
Katika hatua nyingine, meli mbili za kivita ambazo zimetengenezwa kwa teknolojia ya hali ya juu zimeegeshwa Kigamboni.
“Jamaa wana meli kali kwa kweli, mimi nimekuwa askari wa Kikosi cha Maji kwa muda mrefu na kufanya mazoezi na mataifa kadhaa, lakini sijaona meli kama zile.
“Wamarekani wanatisha sana. Meli zao zina zana muhimu za kivita. Pia wanafuatilia kila kitu kinachoweza kuhatarisha usalama wao. Hawaamini mtu kabisa wala kudharau chochote,” amesema mtoa habari mmoja.
Ndege ya kijeshi
Taarifa zaidi zinaeleza kuwa kuna ndege ya Jeshi la Marekani, lakini imeegeshwa kwenye karakana ya Kikosi cha Anga cha JWTZ.
Ndege hiyo inadaiwa iko nchini tangu mwanzoni mwa wiki hii, ingawa kuna taarifa kuwa zipo ndege nyingine ambazo zimekuwa zikitua na kuruka.
“Ndege nyingi za Wamarekani zinatua nchini kwa kipindi cha wiki mbili sasa, zaidi zinaleta watu, ambao nahisi ni wale wanaohusika na usalama na mizigo.
“Kimsingi kuna mambo mengi yanaendelea hapa uwanja wa ndege. Ila msisahau pia kuna ujio wa marais kutoka sehemu mbalimbali duniani kwa ajili ya mkutano wa Smart Partnership ndiyo maana kuna mengi yanaendelea hapa,” chanzo cha habari kimesema. Chanzo: Mwananchi.co.tz
Subscribe to:
Posts (Atom)